my collection Ghazal`s in urdu font

[alitasif]

یہ مرحلے بھی محبت کے باب میں آئے
خلوص چاہا تو پتھر جواب میں آئے

خوشا وہ شوق کے در در لئے پھرا مجھھ کو
زہے نصیب کے تم انتخاب میں آئے

ہزار ضبط کروں لاکھھ دل کو بہلاؤں
مگر وہ شکل جو ہر روز خواب میں آئے

میں اپنے دیس کی مٹی سے پیار کرتا ھوں
یہ جرم بھی میری فردِ حساب میں آئے

[alitasif]

Re: my collection Ghazal`s in urdu font

ہم جو آئینہ دکھائیں تو دکھائیں کس کو
بد نما اپنے ہی چہرے نظر آئیں کس کو

سایہ قدموں کے تلے دیکھھ کے مسرور ہیں لوگ
سر پہ سورج ہے یہ احساس دلائیں کس کو

وقت شب خون کے لئے لیس ہے ہتھیاروں سے
شہر کا شہر ہی سویا ہے جگائیں کس کو

گونج ھو تی ہے بگولا سا نظر آتا ہے
ڈھونڈتی ہیں میرے صحرا میں ھوائیں کس کو

[alitasif]

Re: my collection Ghazal`s in urdu font

زندگی ایک اذیّت ہے مجھے
تجھھ سے ملنے کی ضرورت ہے مجھے

دل میں ہر لحظہ ہے صرف ایک خیال
تجھھ سے کس درجہ محبت ہے مجھے

تیری صورت تیری زلفیں ملبوس
بس انہیں چیزوں سے رغبت ہے مجھے

مجھھ پہ اب فاش ھوا رازِ حیات
زیست اب سے تیری چاہت ہے مجھے

تیز ہے وقت کی رفتار بہت
اور بہت تھوڑی سی فرصت ہے مجھے

سانس جو بیت گیا بیت گیا
بس اسی بات کی کلفت ہے مجھے

اب نہیں دل میں مرے شوقِ وصال
اب ہر اک شے سے فراغت ہے مجھے

اب نہ وہ جوشِ تمنا باقی
اب نہ وہ عشق کی وحشت ہے مجھے

اب یونہی عمر گزر جائے گی
اب یہی بات غنیمت ہے مجھے

[alitasif]

Re: my collection Ghazal`s in urdu font

دن ڈھل چکا تھا اور پرندہ سفر میں تھا
سارا لہو بدن کا رواں مشتِ پر میں تھا

حدِ اُفق پہ شام تھی خیمہ میں منتظر
آنسو کا اک پہاڑ سا حائل نظر میں تھا

لو وہ بھی نرم ریت کے ٹیلے میں ڈھل گیا
کل تک جو ایک کوہِ گراں رہگزر میں تھا

پاگل سی اک صدا کسی اجڑے مکاں میں تھی
کھڑکی میں اک چراغ بھری دوپہر میں تھا

اُس کا بدن تھا خون کی حدّت سے شعلہ پوش
سورج کا اک گلاب سا طشتِ سحر میں تھا

[alitasif]

Re: my collection Ghazal`s in urdu font

تھا جو کبھی ایک شوقِ فضول
اب ہے وہی اپنا معمول

کیسے یاد رہی تجھھ کو
میری اک چھوٹی سی بھول

غم برگد کا گھنا درخت
خوشیاں ننھے ننھے پھول

اب دل کو سمجھائے کون
بات اگرچہ ہے معقول

آنسو خشک ھوئے جب سے
آنگن میں اُڑتی ہے دھول

[alitasif]

Re: my collection Ghazal`s in urdu font

کیا دکھاتی ہے زندگانی رنگ
شاذ ملتا ہے شادمانی رنگ

ایک اظہار کا ذریعہ ہیں
دل کی کرتے ہیں ترجمانی رنگ

اب بھی پھیلے ہیں زندگی پہ میری
سارے تیرے ہی میرے جانی رنگ

کس قدر ھو گیا حسیں موسم
اُس نے پہنا ہے آج دھانی رنگ

دن کی ساری تھکن اتر سی گئی
شام بکھرا گئی سہانی رنگ

آنسوؤں کی بھی قدر کی جاتی
کاش رکھتا کوئی تو پانی رنگ

وقت جب پینترا بدلتا ہے
پھر برستا ہے ناگہانی رنگ

تم بھی کچھہ منفرد سے لگتے ھو
جیسے رنگوں میں آسمانی رنگ

[alitasif]

Re: my collection Ghazal`s in urdu font

اگرچہ زور ہواؤں نے ڈال رکھا ہے
مگر چراغ نے لو کو سنبھال رکھا ہے

محبتوں میں تو ملنا ہے یا اجڑ جانا
مزاجِ عشق میں کب اعتدال رکھا ہے

ہوا میں نشہ ہی نشہ فضا میں رنگ ہی رنگ
یہ کس نے پیرہن اپنا اچھال رکھا ہے

بھلے دنوں کا بھروسا ہی کیا رہیں نہ رہیں
سو میں نے رشتہ غم کو بحال رکھا ہے

ہم ایسے سادہ دلوں کو وہ دوست ہو کہ خدا
سبھی نے وعدہ فردا پہ ٹال رکھا ہے

حسابِ لطفِ حریفاں کیا ہے جب تو کھلا
کہ دوستوں نے زیادہ خیال رکھا ہے

بھری بہار میں اک شاخ پر کھلا ہے گلاب
کہ جیسے تو نے ہتھیلی پہ گال رکھا ہے

فراز عشق کی دنیا تو خوبصورت تھی
یہ کس نے فتنہ ہجر و وصال رکھا ہے

[alitasif]

Re: my collection Ghazal`s in urdu font

درد سے بے نیاز ہونے دے
اے شبِ ہجر کچھ تو سونے دے!

رخصت اے حبسِ شامِ ضبطِ جنوُں
رونے والوں کو کھل کے رونے دے

آج اِک سرخرو سے مِلنا ہے!
آج آنکھیں لہو سے دھونے دے

کاش کوئی ہمیں بھی اشک اپنے
سانس کے تار میں پرونے دے

فصلِ یخ بستگی میں جینا ہے
پانیوں میں شرار بونے دے

کچھ تو سوچ اپنے حال پر محسن
خود کو یوں رائیگاں نہ ہونے دے

[alitasif]

Re: my collection Ghazal`s in urdu font

کبھی دامن کبھی پلکیں بھگونا کس کو کہتے ہیں
کسی مظلوم سے پوچھو رونا کس کو کہتے ہیں

کبھی میری جگہ خود کو رکھوپھر جان جاؤ گے
کہ دنیا بھر کے غم دل میں سمونا کس کو کہتے ہیں

میری آنکھوں میرے چہرے کو ایک دن غور سے دیکھو
مگر مت پوچھنا ویران ہونا کس کو کہتے ہیں

تمہارا دل کبھی پگھلے اگر غم کی حرارت سے
تمہیں معلوم ہو جائے گا کھونا کس کو کہتے ہیں

[alitasif]

Re: my collection Ghazal`s in urdu font

روز دیکھا ہے شفق سے وہ پگھلتا سونا
روز سوچا ہےکہ تم میرے ہو ، میرے ہو نا

میں تو اک کانچ کےدریا میں بہی جاتی ہوں
گنگنناتے ہوئے ہمراز مجھے سن لو نا

میں نے کانوں میں پہن لی ہے تمہاری آواز
اب مرے واسطے بیکار ہیں چاندی سونا

میری خاموشی کو چپکے سے سجا دو آ کر
اک غزل تم بھی مرے نام کبھی لکھو نا

روح میں گیت اتر جاتے ہیں جیسےخوشبو
گنگناتی سی کو ئی شام مجھے بھیجو نا

چاندنی اوس کے قطروں میں سمٹ جائیگی
تیرگی صبح سویرے میں کہیں کھو دو نا

پھر سےآنکھوں میں کوئی رنگ سجالے نیناں
کب سےخوابوں کو یہاں بھول گئی تھی بونا

[alitasif]

Re: my collection Ghazal`s in urdu font

چٹانوں سے وہ ٹکرا کر گری ہے آبشاروں میں
رہی ندیا مگر قیدی ہمیشہ دو کناروں میں

کہیں بھیگے ہوئے جھونکے کلی کو چوم جاتے ہیں
کہیں بپھری ہوئی پاگل ہوا ہے آبشاروں میں

کھلی ہے کاغذی پھولوں کی شادابی درختوں پر
چھپی ہے میرے اندر کی خزاں فرضی بہاروں میں

کبھی ہم نیل کے پانی میں اس انداز سے ڈولیں
کہ اپنی داستاں لکھ دیں اسی دجلہ کے دھاروں میں

مجھے قوموں کی ہجرت کیوں تعجب خیز لگتی ہے
یہ کونجیں کس قدر لمبے سفر کرتی ہیں ڈاروں میں

مری چشم تمنا میں تری صورت اتر آئی
دکھائی دے رہا ہے چاند اشکوں کے ستاروں میں

حویلی کا سماں وہ ہے نہ وہ پہلی کہانی ہے
نہ دلہن پر وہ جوبن ہے نہ جھلمل ہے غراروں میں

مجھے بھیگی سڑک پہ چلتے چلتے یونہی یاد آیا
یہ بوندیں سنسنائی تھیں کبھی خوابی نظاروں میں

بدن کی پالکی کب تک اٹھائیں گے مرے کاندھے
اٹھے گا بوجھ یہ اک دن کبھی بٹ کر کہاروں میں

بلا کی چاندنی بکھری ہوئی ہے ہر طرف نیناں
سہیلی چل برہ کے گیت گائیں سبزہ زاروں میں

[alitasif]

Re: my collection Ghazal`s in urdu font

ہاتھہ میرا اے میری پرچھائی تو ہی تھام لے
ایک مدت سے مجھے تو سوجھتا کچھہ بھی نہیں

شہرِ شب میں کون سا گھر تھا نہ دی جس پر صدا
نیند کے اندھے مسافر کو ملا کچھہ بھی نہیں

عمر بھر عمر گریزاں سے نہ میری بن سکی
جو کرے کرتی رہے میں پوچھتا کچھہ بھی نہیں

وہ بھی شا ید رو پڑے ویران کاغذ دیکھہ کر
میں نے اُس کو آخری خط میں لکھا کچھہ بھی نہیں

[kutkutariyaan]

Re: my collection Ghazal`s in urdu font

Bohut khoob chiips

Zaber10 sharing shandar